Panairi i librit me autorë lushnjarë është hapur në ambientet e Bibliotekës se qytetit ristruktuar se fundmi, organizuar nga Lidhja e shkrimtarëve të qytetit në bashkëpunim me Bibliotekën dhe Bashkinë.
Të pranishëm në këtë aktivitet ishin Kryetarja e Bashkisë Eriselda Sefa, disa nga shkrimtarët lushnjarë si Sheqere Sina, Kozma Gjini, Valter Dauti, Andrea Liko, Niko Ferro dhe të rinj.
Panairi ishte konceptuar në formën e bashkëbisedimit të të rinjve me shkrimtarët lushnjarë, pasi qëllimi i tij është që të nxisë lexuesin sidomos moshat e reja t’i kushtojnë më shumë vëmendje librit, u shpreh Kryetari i Lidhjes së shkrimtarëve të qytetit Kozma Gjini.
“Aktiviteti i sotëm është edhe për të nxitur krijimtarinë artistike të brezave të rinj për të dhënë më të mirën në shkolla në jetë dhe kudo”, tha shkrimtari Valter Dauti.
Kryetarja e Bashkisë, Eriselda Sefa siguroi të rinjtë se mbështetja e saj do të vazhdoj për organizimin e aktiviteteve të tilla ku të rinjtë e Lushnjës të njohin shkrimtarët vendas dhe veprat e tyre.
Top Channel
