Eksploratorja e plagosur nxirret nga shpella natyrore pas katër ditësh në veri të Italisë (fotot)
18/12 16:53
Sekretari amerikan i Shtetit, Antony Blinken theksoi “angazhimin amerikan” dhe vënien në dispozicion të udhëheqjes së SHBA-së për të sheshuar tensionet në Lindjen e Mesme.
Deklaratat Blinken i bëri nga Turqia, e cila ishte edhe ndalesa e fundit e udhëtimit diplomatik për t’u takuar me udhëheqësit kryesorë rajonalë në Lindjen e Mesme.
Ditët e fundit, Sekretari i Shtetit ka vizituar udhëheqësit në Irak, Izrael, Jordani dhe Bregun Perëndimor për të diskutuar luftën e Izraelit kundër Hamasit, mes frikës për një konflikt më të gjerë rajonal.
Blinken tha se Shtetet e Bashkuara e dinë “taxën e tmerrshme” të luftës “mbi civilët palestinezë, qofshin ata burra, gra dhe fëmijë “, duke shtuar se është “një shqetësim që ne ndajmë dhe që ne po punojmë për të çdo ditë.”
I pyetur nga Jennifer Hansler i CNN për mungesën e dukshme të përparimit konkret në minimizimin e viktimave civile dhe rritjen e ndihmës humanitare në Gaza, ai tha: “Ne kemi mënyra shumë konkrete për ta bërë këtë. Dhe unë mendoj se do të shihni në ditët në vijim, se kjo ndihmë mund të zgjerohet në mënyra të rëndësishme.”
“Vendet po kërkojnë që SHBA- të të bëjnë diçka. Dhe ne nuk pajtohemi padyshim për gjithçka. Por ka pikëpamje të përbashkëta për disa nga imperativat për momentin.”
Blinken ishte nën presion nga CNN për hapat aktualë të diskutuar me udhëheqjen izraelite javën e kaluar në lidhje me ndihmën humanitare që arrin në Gaza dhe qasjen e Izraelit në konflikt. Ai tha se Uashingtoni po punon për çështjet pothuajse çdo minutë.
“Kur bëhet fjalë për pauzat humanitare, ne jemi të angazhuar me izraelitët për praktikat e veçanta të kësaj. Megjithatë, një aspekt kritik është të shohim progres në lidhje me pengjet. Kjo është diçka në të cilën jemi fokusuar intensivisht.”
Top Channel
