SHBA: Rusia po përshkallëzon konfliktin me praninë e trupave koreano-veriore 18/11 22:44
Kryeministri australian Anthony Albanese njoftoi të mërkurën një ndihmë humanitare shtesë prej 15 milionë dollarësh për civilët në Gaza, duke e çuar ndihmën totale të premtuar nga vendi në 25 milionë dollarë.
“Kjo i shtohet 10 milionë dollarëve që Australia ka zotuar tashmë dhe do të ndihmojë në ofrimin e ndihmës për shpëtimin e jetës, si emergjenca e ujit dhe shërbimet mjekësore”, tha Albanese gjatë një konference të përbashkët shtypi me presidentin amerikan Joe Biden në Uashington.
Albanese dënoi “terrorizmin e Hamasit, duke shprehur trishtim për humbjen e çdo jete të pafajshme, qoftë ajo izraelite apo palestineze”.
Të mërkurën, Australia bëri thirrje për “pauza humanitare në armiqësitë” në Gaza për të lejuar hyrjen e furnizimeve dhe kalimin e sigurt për civilët, sipas një deklarate nga ministrja e Jashtme Penny Wong.
Top Channel
