Presidenti i Iranit ende i zhdukur, mjegulla e dendur pengon ekipet e kërkim-shpëtimit 19/05 22:58
Gjëmime të shpërthimeve janë dëgjuar në të gjithë zonën përreth Gazës të martën në mëngjes, ndërsa Forcat e Mbrojtjes të Izraelit kryen bombardime të rënda kundër enklavës.
Sulmet vazhduan gjatë gjithë natës dhe deri në mëngjes, me avionë të shumtë luftarakë që u dëgjuan të fluturonin mbi zonë.
IDF tha në një deklaratë se avionët e saj goditën mbi 200 objektiva në Rimal dhe Khan Yunis në Gaza, duke pretenduar se zonat “përdoren si qendra terroriste” nga Hamasi dhe se “një numër i madh sulmesh terroriste kundër Izraelit drejtohen atje”.
IDF u shpreh se ishte e përkushtuar që “të sigurohej që Hamasi të mos ketë asnjë aftësi ushtarake në fund të luftës”.
Mirëpo përballë sulmeve të vazhdueshme të IDF, natyra e Gazës – një rrip toke i ngushtë dhe me popullsi të dendur plotësisht i izoluar nga bota e jashtme – do të thotë se civilët, përfshirë fëmijët, shpesh përfshihen në sulme.
Zëdhënësi i IDF-së nënkoloneli Richard Hecht tha të martën se dallimi midis objektivave ushtarakë dhe civilë nuk ishte aq i thjeshtë. “Në ndërtesat ku jetojnë njerëzit mund të ketë një dyqan armësh… mund të ketë një mbret të Hamasit që jeton atje,” tha ai.
Të paktën 900 njerëz kanë vdekur në Izrael dhe më shumë se 680 palestinezë janë vrarë që nga shpërthimi i konfliktit të shtunën kur Hamasi nisi një sulm të papritur shkatërrues ndaj Izraelit.
Zyra për Media e Qeverisë e kontrolluar nga Hamasi shtoi se dy gazetarë lokalë u vranë dhe një tjetër u plagos në një sulm ajror izraelit në një ndërtesë banimi në Gazën perëndimore. Sulmet e IDF janë edhe më të komplikuara duke pasur parasysh se një numër pengjesh mbahen nga Hamasi.
Autoritetet izraelite besojnë se gra dhe fëmijë janë në mesin e deri në 150 pengjeve në Gaza, tha ambasadori i vendit në OKB. Hamasi ka pretenduar se ka mbajtur më shumë se 100 robër, duke përfshirë oficerë të ushtrisë izraelite.
Top Channel
