Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Të paktën 13 persona kanë humbur jetën në një klub nate në Murcia në juglindje të Spanjës, në atë që konsiderohet zjarri më vdekjeprurës në dekada, ndërsa shërbimet e urgjencës frikësohen se numri mund të rritet më tej.
Ekipet e shpëtimit janë ende duke kërkuar për të mbijetuar nën rrënojat e zjarrit. Flakët nisën në orët e hershme të së dielës në klubin e natës Teatre në Atalayas, në periferi të qytetit, njoftoi shërbimi emergjent në rrjetin social X.
Katër persona të tjerë u lënduan gjatë këtij incidenti. Në pamjet e publikuara nga shërbimi emergjent shfaqën zjarrfikësit duke tentuar ta shuajnë zjarrin brenda klubit të natës. Zjarri e ka shkatërruar një pjesë të kulmit.
Jose Ballesta, kryetari i Murcias, tha se “do të nxirren ende trupa nga rrënojat”, çka është një detyrë e vështirë për shkak të “rrezikut të shembjes” së godinës.
“Ndihemi të shkatërruar”, tha ai për televizionin spanjoll 24h, duke shtuar se ekipet e shpëtimit po i kërkojnë ende personat e raportuar si të zhdukur. Ai tha se zjarri ishte ndezur rreth orës 6:00 të dielën dhe se ekipeve të shpëtimit iu deshën tri orë për ta vënë nën kontroll atë.
Ballesta theksoi se nuk dihet shkaktari i zjarrit dhe se ekipet po punojnë për ta kuptuar këtë.
Top Channel
