Katy Perry shet katalogun muzikor për 225 milionë dollarë

Shitja, e cila u njoftua të hënën, mbulon të pesë albumet e Perry të lëshuar për Capitol Records, nga One of the Boys e 2008-ës deri tek Smile e 2020-ës.

Kjo përfshin hitet si Firework, Teenage Dream, Hot ‘n’ Cold, California Gurls dhe I Kissed A Girl.

Është marrëveshja më e madhe e katalogut për një artist të vetëm këtë vit.

Justin Bieber e mbante më parë titullin, pasi shiti aksionet e tij në Hipgnosis Songs Capital me bazë në Mbretërinë e Bashkuar në janar për 200 milion dollarë.

Litmus tani zotëron aksionet e Perry-t në regjistrimet kryesore dhe botimet për disqet, që do të thotë se do të mbledhë çdo përfitim që fiton muzika.

Dy nga këngët e saj – Dark Horse dhe Roar – kanë më shumë se një miliardë transmetime në Spotify. Roar është gjithashtu një nga videot më të shikuara të të gjitha kohërave në YouTube, me 3.8 miliardë luajtje.

Një yll i madh në vitet 2010, Perry ka ngadalësuar shkallën e saj të punës në vitet e fundit, duke u përqëndruar në rezidencën e saj në Las Vegas dhe duke rritur një familje me partnerin e saj, aktorin Orlando Bloom.

Ajo gjithashtu do të kthehet për sezonin e saj të shtatë si gjyqtare në American Idol vitin e ardhshëm.