Bill Gates zbulon se ishte indiferent ndaj shkollës, ja çfarë e bëri atë të ndryshojë mendje

Por edhe gjatë shkollës së mesme, miliarderit të famshëm nuk iu duk “interesante” të mësuarit, zbuloi ai së fundmi në podcastin “Unconfuse Me”, në një episod ku shfaqej CEO i Khan Academy Sal Khan.

“Në fillim në matematikë, isha disi dembel ”, pranoi 67-vjeçari Gates. “Dhe një mësues i imi, më kishte pyetur: “Si je kaq dembel”? Mund të jesh shumë i mirë në këtë klasë”. Në atë kohë jam përgjigjur, “po, por nuk po bëjmë asgjë interesante”. Ky mund të ketë qenë një justifikim, shtoi ai.

CNBC raporton se rreth 75% e adoleshentëve raportojnë se ndjehen të mërzitur gjatë orës së mësimit, duke shtuar se stresi dhe lodhja gjithashtu kontribuojnë në një këndvështrim negativ të arsimit, sipas një studimi të Yale. të vitit 2020.

“Shmangni leksionet e gjata, të cilat janë një aktivitet shumë pasiv në klasë, dhe zgjidhni aktivitete në të cilat studentët janë të përfshirë në mënyrë aktive,” shkroi profesori i Universitetit Bryant, Michael Roberto, në një postim në blogun e Shkollës së Biznesit të Harvardit në vitin 2021, duke shtuar se përfshirja e videove të shkurtra, aplikacionet, puna në grup, etj janë mënyra të shkëlqyera për t’i mbajtur studentët të angazhuar.

Gates vazhdoi të zhvillonte aftësitë e tij në matematikë dhe teknologji në shkollën e mesme përpara se të braktiste Universitetin e Harvardit për të bashkëthemeluar Microsoft-in në vitin 1975. Në ditët e sotme, një pjesë e madhe e përpjekjeve të tij filantropike sillen rreth aksesit në arsim dhe cilësisë së shkollimit, si në SHBA ashtu edhe në botëror.

Por mësuesi pa potencial dhe shfrytëzoi rastin për të inkurajuar Gates që të bënte disa përpjekje në edukimin e tij. “Ai më jepte libra për të lexuar dhe më ndihmonte vërtet,” tha Gates. “Ishte një ndryshim të madh që ai në fakt u angazhua me mua. Më ndryshoi të gjithë pikëpamjen time për arsimin”.

Në të ardhmen e afërt, inteligjenca artificiale mund të jetë në gjendje t’i ndihmojë studentët të rifitojnë interesin për mësimet dhe shkollën, në të njëjtën mënyrë si mësuesi i Gates, thotë ai. “Unë mendoj se AI do të jetë si një mësues i shkëlqyer i shkollës së mesme që ju inkurajon të mësoni më shumë,” përfundon Gates.

Top Channel