Mendohuni dy herë! 4 gjërat që nuk duhet të ndaloni kurrë së paguari edhe nëse ju mungojnë paratë

Anulimi i pagesave mujore të pensionit ose sakrifikimi i sigurimit të shtëpisë tuaj mund të duket si një mënyrë e lehtë për të mbajtur më shumë para në xhepin tuaj, por kjo mund të ketë koston e saj.

Është gjithmonë mirë të kesh disa para shtesë në rast urgjence, por duhet të gjeni mënyra të tjera, pavarësisht nga rrethanat.

Pensioni

Ju mund të regjistroheni në një skemë pensioni në vendin e punës, e cila i ndihmon punonjësit të kursejnë për pensionin e tyre jashtë pensionit shtetëror.

Punëtorët kanë mundësinë të tërhiqen më pas, sepse pavarësisht se sa tërheqëse është si skemë, kur nuk keni para, nuk është gjithmonë një ide e mirë. Por tërheqja nga skema, do të mund të sjell më pak të ardhura gjatë periudhës së pensionit.

“Mund të ndihet sikur mund ta vendosni pensionin tuaj në pritje pa paguar të ardhurat, por do të ndikojë në kursimet tuaja të pensionit dhe sa më gjatë të ndaloni kontributet, aq më shumë dëm do t’i bëni vetes. Kur paguani një pension në punë, merrni gjithashtu një kontribut nga punëdhënësi juaj dhe një shtesë nga qeveria, kështu që ndalimi i pagesave do të thotë të humbisni këto para të gatshme falas“- tha Sarah Coles nga Hargreaves Lansdoën.

Sigurimi i shtëpisë

Mund të jetë joshëse të anulosh politikat e sigurimit të shtëpisë për të kursyer para, por do të thotë të marrësh një rrezik të madh.

Sigurimi i shtëpisë nuk është një kërkesë ligjore, por pa të mund t’ju lërë të pastrehë dhe pa para nëse ndodh më e keqja.

“Në një botë ideale, asnjëri prej nesh nuk do të kishte nevojë të kërkonte sigurimin e shtëpisë tonë, por nëse vjen më e keqja, dhe ju nuk keni mbulim nga sigurimet, mund të jetë e tmerrshme. Ky është veçanërisht rasti me sigurimin e ndërtesave, sepse nëse goditeni nga zjarri ose dëmtime të tjera, mund të përfundoni të pastrehë pa të.

Megjithatë, të qenit pa sigurim të përmbajtjes është gjithashtu një gabim i tmerrshëm, pasi një përmbytje ose vjedhje mund t’ju lënë pa gjërat thelbësore”- tha Sarah Coles.

Sigurimi i makinës

Në varësi të moshës, sigurimi motorik mund të marrë një pjesë të madhe të parave tuaja. Mirëpo, nëse ndonjëherë mendoni të ndaloni së paguari policën e sigurimit të makinës suaj për të ndihmuar në kursimin e parave, mendoni përsëri.

“Drejtimi i makinës pa siguracionet është kundër ligjit, kështu që mund të përballeni me një gjobë ose heqjen e gjashtë pikëve në patentën tuaj.

Makina gjithashtu mund të sekuestrohet dhe shkatërrohet. Nëse shkon në gjykatë, mund të marrësh një gjobë të pakufizuar ose të skualifikohesh nga drejtimi“- tha Sarah Coles.

Nëse kapeni duke vozitur pa siguracione kodi rrugor shqiptar parashikon bllokim të patentës dhe gjobë.

Hipotekat dhe kreditë

Kur jeni duke shtrënguar rripin tuaj, mund të jetë shumë joshëse të konsideroni mospagimin e hipotekës  ose kredisë në një përpjekje për të kursyer para.

Mirëpo, mungesa e shlyerjes së këstit të kredisë do të dëmtojë të dhënat tuaja të kreditit dhe do ta bëjë më të vështirë marrjen e huasë në të ardhmen.

“Mungesa e pagesave të hipotekës mund të përfundojë përfundimisht me riposedimin e shtëpisë tuaj. Kjo është arsyeja pse ajo është në krye të listës së shlyerjeve jetike të kredisë. Nëse jeni duke luftuar për të paguar, është jetike të kontaktoni kompaninë tuaj të hipotekave sa më shpejt të jetë e mundur për të provuar të zgjidhni diçka.

Është shumë më mirë t’i njoftoni ata dhe të bëni një plan në vend që të humbisni pagesat fare”- tha Sarah Coles.

Por çfarë mund të mos paguani, duke i hequr qafe në rast nevoje për para?

Shërbime të tilla si Netflix që lulëzuan gjatë bllokimit kur miliona njerëz ishin të ngecur në shtëpi pa asgjë për të bërë – por tani njerëzit kanë filluar të pyesin nëse ia vlejnë paratë. Por nëse nuk doni të hiqni dorë nga maratonat e shikimit të tepruar, ka mënyra për të shkurtuar shpenzimet pa pasur nevojë të hiqni dorë nga doza juaj e përditshme e argëtimit.

Ndarja e abonimeve brenda përbrenda mes anëtarëve të familjes. Spotify është një platformë që e ka këtë opsion.

Ndërsa shërbimi i transmetimit të muzikës kushton 10,99 £ për një anëtarësim të vetëm, ju mund të merrni planin e tij Premium Duo për 14,99 £ në muaj ose një plan familjar për 17,99 £.

Ju mund gjithashtu të hiqni dorë përkohësisht nga palestra.

Top Channel