Dhjetëra mijëra protestojnë në Barcelonë për krizën e strehimit dhe qiratë e larta (fotot)
25/11 17:12
Kreu i ushtrisë së Sudanit, Gjeneral Abdel Fattah al-Burhan
Kreu i ushtrisë së Sudanit, Gjeneral Abdel Fattah al-Burhan tha sot se vendi i tij po përballet me “një nga konspiracionet më të mëdha të historisë moderne”, duke iu referuar konfliktit të nisur me 15 prill me forcat paramilitare të drejtuara nga ish-zëvendësi i tij Mohamed Hamdan Daglo.
Al-Burhan shtoi se forcat e Sudanit do të luftojnë terrorizmin e tradhtarit Hamdan Daglo.
“Vendi ynë po përballet me konspiracionin më të madh në historinë moderne, që po shënjestron identitetin, trashëgiminë dhe fatin e njerëzve tanë.”
“Ne me durim po përballemi me terrorizmin e rebeli tradhtar Mohamed Hamdan Daglo që ka nisur këtë fushatë kundër vendit të tij bazuar në dezinformacion, gënjeshtra e falsifikime, nën flamurin e entitetit të rremë te quajtur Forcat e Mbështetjes së Shpejtë”, shtoi Al Burhan.
Ai vazhdonte më tej:
“Unë i siguroj njerëzit tanë të nderuar se forcat e armatosura do të vijojnë të rezistojnë ashtu si gjatë gjithë historisë sinë, për të mbrojtur zgjedhjen e popullit dhe të drejtën e tyre për institucione demokratike”.
“Ne duam të arrijmë një konsensus për të shmangur gabimet e bëra deri në 15 prill 2023, për të çuar vendin në zgjedhje të udhëheqësve me meritë.
Pa dhënë më shumë detaje mbi organizatorët e puçit, Abdel Fattah al-Burhan tha në përfundim:
“Forcat e armatosura do të vijojnë detyrën e tyre në mbrojtjen e vendit.
“Ne zotohemi se do të mund të celebroni së shpejti, me ndihmën e Zotit në një fitore mbi këtë rebelim katastrofik, për të ruajtur njerëzit dhe vendin tone”.
Top Channel
