Shërbimet e Policisë Kufitare Dhërmi iu shkojnë në ndihmë 2 turistëve çek që kishin ngelur në det dhe e kishin të pamundur kthimin në breg, me mjetin e tyre lundrues tip kajk, për shkak të dallgëve të larta.
Ditën e sotme, salla operative e Komisariatit të Policisë Himarë ka marrë njoftim për dy turistë që ishin duke lundruar në det, në plazhin e Livadhit, me një mjet lundrues kajk, kishin mbetur të bllokuar në det për shkak të dallgëve të larta.
Menjëherë pas marrjes së njoftimit janë organizuar shërbimet e Policisë Kufitare, për t’iu shkuar në ndihmë turistëve çek.
Shërbimet e Policisë Kufitare kanë shkuar në vendin ku kishin ngelur turistët dhe kanë shoqëruar mjetin e tyre lundrues me mjetin e Policisë Kufitare, deri në breg. Dy turistët janë në gjendje të mirë shëndetësore dhe kanë falënderuar shërbimet e Policisë që iu shkuan në ndihmë.
“Policia e Kufitare e Vlorës është e angazhuar maksimalisht në shërbim të qytetarëve dhe të vizitorëve, për të krijuar një ambient sa më të sigurtë“- thuhet në njoftimin e policisë.
Top Channel
