“A s’ke turp? Ku i gjen lekët për Range Rover dhe për kremra”, Françeska Murati akuzon Erjolën 17/11 20:44
Një çift nga Sydney në Australi kanë reaguar ashpër ndaj veterinerit lokal për një shumë të pamenduar e cila u kërkohet për trajtimin mjekësor që i shpëtoi jetën qenit të tyre.
Qeni i tyre i vogël i racës bulldog francez Matisse, ishte sëmurë dhe qëndroi në qendrën mjekësore në fundjavën e Pashkëve me vështirësi të rënda në frymëmarrje.
Të detyruar të thërrisnin emergjencën, të zotët e kafshës Sabrina e Daniele nënshkruan shpejt për trajtimin, pa e kuptuar sesa mund t’u kushtonte.
Sabrina e Daniele thonë se ata e dinin që kishte diçka serioze me shëndetin e qenit të tyre por doktorët e kishin kthyer dy herë në shtëpi derisa të dërgohej sërish në klinikë për operacion.
“Ne e sollëm në shtëpi por ajo ishte në shumë dhimbje,” thotë Sabrina në programin A Current Affair, teksa shtonte: “frymëmarrjen e kishte shumë keq.”
Fillimisht ata besonin se kishin gjetur klinikën më të mirë. Por në vend që të diskutonin mënyrën e trajtimit, pronarëve iu kërkua të linin në klinikë qenin e tyre, së bashku me një depozitë parash.
“Na kërkuan të nënshkruanim dokumentet dhe të linim një depozitë $3000 [AUD] pasi Matisse duhet të qëndronte aty që të stabilizohej,” tregon Sabrina duke shtuar se sipas llogaritjeve ata prisnin që trajtimi të kushtonte rreth $8900 dollarë australianë ($5,900).
Por për fat të keq doktorët thanë se kostot u shumëfishuan pasi Matisse kreu operacion në shpinë, “terapi të menaxhimit të dhimbjes, analiza, në një qëndrim gjashtë-ditor në klinikë”.
Kështu që çiftit i erdhi një faturë totale prej $36,896.19 dollarë australianë ($24,622).
Çiftit i duhej të gjenin shpejt fondet në mënyrë që të sillnin në shtëpi Matisse.
Daniele thotë se klinika nuk ‘lëviznin nga shumë e kërkuar’ dhe nuk lejonin të zotët të merrnin në shtëpi qenin e tyre.
Kështu që Sabrina u detyrua të shiste sende luksi e bizhuteri derisa plotësuan shumën e kërkuar.
Megjithse ata arritën të sillnin në shtëpi Matisse çifti i kërkuan veterinerëve të ndryshonin çmimet e tyre në mënyrë që të tjerë të mos pësonin shokimin e tyre.
Klinika Sydney Veterinary Emergency refuzojnë të komentojnë mbi incidentin, por thanë se kujdesi në klinikën e tyre “është standard i njëjtë me atë që i jepet një njeriu”.
Top Channel
