“Më linin me traumën që do vinin arinjtë”, Albatrosi në fshat: Babi më detyroi të jetoja historinë e “Beni ecën vetë”, isha çoban dhensh… 20/05 10:37
Tre ndërtues të njohur tashmë si “kauboi” që kishin zhvatur më shumë se 45,000 paundë nga punime abuzime në shtëpi të ndryshme në Gloucestershire e Bristol në perëndim të Britanisë, janë burgosur nga autoritetet.
Në video të publikuara nga punëtorët abuzues ata shiheshin duke u tallur me punimet dhe me pronarët e moshuar të shtëpive.
Në gjyqin e tyre u luajt dhe një video ku ata mburreshin me zhvatjen e një prej viktimave për të cilin thonin se është shumë plak.
Në pamjet e celularëve të tyre shiheshin 18 vjecari Matty Rossiter, 25 vjeçari James Rossiter, e 21 vjeçari Dean Smith, teksa thonin: ”Njerëz si këta gjejmë përditë, u trokasim në derë për të ofruar punimet tona”.
Ata filmonin gjithashtu veten duke punuar në çati dhe duke kërkuar “shumë të mëdha parash” për shërbimet e tyre, nga pronari 82 vjeçar John Bray.
Treshja i kishte kërkuar atij 8,000 paundë për të zëvendësuar disa tjegulla të çatisë.
Zyrtarët thanë se me aktivitetin e tyre abuzim ata kishin përfituar më shumë se 45,000 paundë duke punuar në 18 shtëpi në zonën Gloucestershire e Bristol nga tetori 2020 deri në mars 2021.
Në një foto 82 vjeçari John Bray qëndron pranë një prej ndërtuesve “kauboi” që kishte zhvatur, teksa djali i tij Steve denonconte për mediat BBC se grupi ishin persona të përçmuar që kishin abuzuar me të moshuarit, duke shtuar se vdekja e nënës së tij kishte ndodhur pjesërisht prej mashtrimit të ndërtuesve dhe zhvatjes së parave.
“Ata bënë një video duke qeshur e duke u tallur, duke ofenduar babanë tim, si dhe duke dëmtuar shtëpinë,” tha Steve.
“Prindërit e mi më pas ndjeheshin të turpëruar e të poshtëruar nga trajtimi, dhe nëna ime e mori këtë turp në varr”.
Në shumë raste grupi trokisnin në dyert e shtëpive të të moshuarve duke u thënë se ‘çatia kishte nevojë për riparime’, dhe më pas kërkonin shumë herë më lart se çmimi i punës se kryer.
Matty e James Rossiter, pranuan mashtrimin me anë të prezantimeve të rreme dhe praktika abuzive biznesi.
Matty Rossiter u burgos për dy vjet e gjysmë dhe me moshën e tij 16 vjeçare ishte nga të dënuarit më të rinj për standarde tregtare në Britani.
James Rossiter u burgos për tre vjet e gjysmë, kurse Dean Smith, u burgos për tre vjet pasi pranoi akuzën e praktikave të gënjeshtërta të biznesit.
Gjykatësi Jason Taylor e quante treshen “ndërtues mashtrues në masë industriale’ që talleshin me viktimat e tyre.
Ai tha: “Në një periudhë të gjatë ju shënjestruat të moshuarit prej dobësisë së tyre dhe nuk hezitonit të përfitonit prej tyre. Arroganca juaj është e veçantë. Ju e dinit se shtëpitë që shënjestronit kishin të moshuar”.
Top Channel
