Çmimi i naftës më i ulti në 7 javë, shtohen rezervat amerikane 01/05 19:03
Puna në Murin e Madh filloi më shumë se 2500 vjet më parë, origjina e saj daton në periudhën e pranverës dhe vjeshtës së Kinës rreth 770 p.e.s deri në 476 p.e.s.
Seksione të ndryshme u shtuan në epokat pasuese, ndërsa dinastitë dhe fraksionet konkurruese kërkuan të ushtronin kontrollin e tyre. Puna përfundimisht u ndal në shekullin e 17-të.
Ndonëse nuk është një strukturë e vetme, e pandërprerë, muri shtrihet mbi 21,000 kilometra, duke mbështjellë 15 provinca, 97 prefektura dhe 404 qarqe.
Dhe ndërsa seksione të caktuara kanë qenë tepër të njohura në mesin e turistëve, shumë pjesë kanë ngelur në errësirë, mjerim dhe ndonjëherë në harresë.
Pavarësisht nëse planifikoni të vizitoni Murin e Madh për herë të parë ose të 50-tën, destinacionet e mëposhtme sigurisht që do ta bëjnë udhëtimin tuaj në Kinë edhe më të vlefshëm.
Qyteti i Breshkave Yongtai
Qyteti i Breshkave, i ndërtuar në dinastinë Ming (1368-1644) si pjesë e “Linjës së Mbrojtjes së Lumit të Verdhë” të Murit të Madh, u përfundua në 1608 dhe ishte shtëpia e rreth 2,000 këmbësorësh dhe 500 njësive kalorësie.
Ndërsa nuk ka shumë breshka të vërteta në “Qytetin e Breshkave”, qyteti mori pseudonimin e tij për shkak të formës së tij unike.
Mutianyu/Jiankou
Mutianyu dhe Jiankou janë dy pjesë të të njëjtit Dragoit të Gurit – dy seksione të njëpasnjëshme të Murit të Madh që së bashku shtrihen për rreth 25 kilometra përgjatë majave të maleve të Pekinit.
Mutianyu është pjesa më e mirë e “murit turistik”. E restauruar në vitet 1980, është shumë komerciale por edhe jashtëzakonisht e bukur.
Bataizi
Fshati Bataizi ndodhet brenda seksionit Motianling të Murit të Madh dhe është shtëpia e rrënojave të një kishe gotike të ndërtuar në 1876 nën drejtimin e një misionari gjerman.
Laoniuwan (i njohur si Muri i Madh i Ox Bend)
Kalaja Laoniuwan u ndërtua në vitin 1467, ndërsa kulla më e famshme e Murit të Madh në këtë zonë, Kulla Wanghe (fjalë për fjalë do të thotë kulla e vëzhgimit të lumit), u ndërtua në 1544.
Kulla e Zanave
Ndërtimi i Murit të Madh në Simatai filloi në 1373. Ai u zgjerua dhe u përforcua periodikisht gjatë gjithë dinastisë Ming.
Kulla e Zanave është një nga kullat më të njohura të murit në Simatai, por edhe një nga më pak të vizituara për shkak të vështirësisë së aksesit.
Dushikou
E ndërtuar gjatë sundimit të perandorit Jiajing (1507-1567), ky seksion me një mur është shtatë metra i gjatë në disa pika – jo pak duke pasur parasysh se është bërë nga grumbullimi i gurëve.
Top Channel
