Ligjvënësit izraelitë të vijës së ashpër kritikojnë thirrjet e nënpresidentes Harris për armëpushim 26/07 22:15
Përparimi drejt barazisë gjinore “po zhduket para syve tanë”, tha të hënën Sekretari i Përgjithshëm i Kombeve të Bashkuara, António Guterres për Komisionin e Statusit të Grave.
Duke folur me grupin kyç të OKB-së për të drejtat e grave përpara Ditës Ndërkombëtare të Gruas më 8 Mars, Guterres tha se barazia gjinore është “300 vjet larg” sipas vlerësimeve më të fundit nga UN Women, organizata e OKB-së e dedikuar për barazinë gjinore dhe fuqizimin e grave.
Guterres përmendi shkallët e larta të vajzave që detyrohen të martohen në moshë të hershme dhe vajzat që rrëmbehen spo sulmohen për ndjekjen e shkollës si dëshmi se shpresa për arritjen e barazisë gjinore po bëhet gjithnjë e më e largët.
Në fjalimin e tij, Guterres nuk përmendi Iranin, i cili u përjashtua nga komisioni 45 anëtarësh në dhjetor për shkak të protestave pas vdekjes së Mahsa Amini në paraburgim.
“Të drejtat e grave po abuzohen, kërcënohen dhe shkelen në mbarë botën,” tha Guterres, duke përmendur disa vende në veçanti, si Afganistanin, ku tha se “gratë dhe vajzat janë fshirë nga jeta publike”.
Të hënën, të rejat afgane u mblodhën jashtë Universitetit të Kabulit për të protestuar kundër ndalimit të talebanëve në pushtet për arsimimin e femrave, një kufizim për të cilin një raport i ri i OKB-së thotë se mund të jetë një krim kundër njerëzimit.
Raporti i paraqitur në Këshillin e të Drejtave të Njeriut në Gjenevë të hënën vuri në dukje gjithashtu rritjen e martesave të detyruara dhe të fëmijëve, ndalimin e përjashtimit të grave nga hapësira të tjera publike si parqet dhe palestrat, dhe kufizime të tjera që kufizojnë aftësinë e grave për të punuar dhe udhëtuar të pavarura në Afganistan.
Guterres tha se zëvendëssekretari i përgjithshëm dhe drejtori ekzekutiv i UN Women vizituan së fundmi Afganistanin dhe u kanë përcjellë autoriteteve talebane se nuk do të heqin dorë kurrë nga lufta për gratë dhe vajzat.
“Kriza dhe konflikti prek gratë dhe vajzat së pari”, tha Guterres, duke përfshirë luftën në Ukrainë si shembull. Vitin e kaluar, OKB- ja bëri thirrje për një hetim mbi raportet e përdhunimit dhe dhunës seksuale ndaj grave dhe fëmijëve ukrainas pas pushtimit të Rusisë.
Për të arritur barazinë gjinore, Guterres bëri thirrje për veprime kolektive dhe urgjente, nga rritja e arsimit, të ardhurave dhe punësimit për gratë dhe vajzat, veçanërisht në vendet në zhvillim në Jugun Global, deri te promovimi i pjesëmarrjes së grave dhe vajzave në shkencë dhe teknologji.
Top Channel
