Në kërkim ndërkombëtar për kultivim kanabisi, ekstradohet nga Italia drejt Shqipërisë 31-vjeçari

21/02/2023 14:41

Një 31 vjeçar është ekstraduar nga Italia drejt Shqipërisë pasi ishte në kërkim ndërkombëtar për kultivim kanabisi.

Gj . K., banues në Shkodër është i akuzuar për kultivimin e 1100 bimëve kanabis. Këto bimë ai i ka kultivuar në territorin e fshatit Pult të Shkodrës, të cilët janë gjetur dhe asgjësuar nga kontrolli i policisë në vitin 2016.

31 vjeçarit i është caktuar masa e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.

“Interpol Tirana/ Ekstradohet nga Italia drejt Shqipërisë, një shtetas shqiptar, i akuzuar për kultivimin e rreth 1100 bimëve kanabis, në një fshat të Shkodrës. Në kuadër të bashkëpunimit mes Interpol Tiranës dhe Interpol Romës, për kapjen e shtetasve në kërkim ndërkombëtar që fshihen në këto dy vende dhe ekstradimin e tyre në vendin ku ata kanë kryer veprën/veprat penale, është ekstraduar nga Italia drejt Shqipërisë, shtetasi Gj. K., 31 vjeç, banues në Shkodër. Gjykata e Rrethit Gjyqësor Shkodër i ka caktuar 31-vjeçarit, masën e sigurisë “Arrest në burg”,  Shtetasi Gj. K. dyshohet se në bashkëpunim me shtetas të tjerë, në vitin 2016 ka kultivuar në territorin e fshatit Pult, Shkodër, rreth 1100 bimë narkotike kanabis, të cilat janë gjetur dhe asgjësuar nga Policia, gjatë kontrollit të territorit të këtij fshati”, sipas njoftimit të policisë.

Top Channel