Këshilli NATO-Ukrainë takohet lidhur me sistemet ajrore! A mund ta furnizojnë aleatët Kievin? 19/04 09:41
Senatori amerikan Josh Hawley tha se do të prezantonte një projekt-ligj për të ndaluar aplikacioninTikTok në Shtetet e Bashkuara të Amerikës.
Sipas Reuters, TikTok, e krijuar nga kompania kineze ByteDance, tashmë përballet me një ndalim që do të ndalonte punonjësit federalë të përdorin ose shkarkojnë TikTok në pajisjet në pronësi të qeverisë.
“TikTok është porta e pasme e Kinës në jetën e amerikanëve. Ai kërcënon privatësinë e fëmijëve tanë, si dhe shëndetin e tyre mendor”, tha ai në Twitter. “Tani do të prezantoj legjislacionin për ta ndaluar atë në mbarë vendin”.
Hawley nuk tha se kur do të prezantohej projektligji.
TikTok tha në një deklaratë se Hawley po merrte qasje të gabuar.
“Thirrja e senatorit Hawley për një ndalim total të TikTok merr një qasje pjesë-pjesë ndaj sigurisë kombëtare dhe një qasje të pjesshme ndaj çështjeve të industrisë së gjerë si siguria e të dhënave, privatësia dhe dëmet në internet”, tha zëdhënësja Brooke Oberwetter.
“Ne shpresojmë që ai do të përqendrojë energjitë e tij në përpjekjet për t’i trajtuar ato çështje në mënyrë holistike, në vend që të pretendojë se ndalimi i një shërbimi të vetëm do të zgjidhte ndonjë nga problemet që ai shqetëson ose do t’i bënte amerikanët më të sigurt.”
Top Channel
