Vijojnë diskutimet për armëpushim mes Izraelit dhe Gazës në Doha, zyrtarët palestinezë: Bisedimet janë 90% të përfunduara 25/12 22:52
Dy burra janë varur në Iran pasi dyshohet se kanë vrarë një pjesëtar të ushtrisë gjatë protestave mbarëkombëtare.
Mohammad Mahdi Karami dhe Seyed Mohammad Hosseini u shpallën fajtorë për përfshirjen e tyre të dyshuar në vdekjen e një oficeri paraushtarak.
Grupet e të drejtave të njeriut kanë denoncuar atë që ata e përshkruan si një gjyq të rremë.
Familja e 22-vjeçarit Karami thotë se nuk u lejuan ta takonin para se të vritej.
Protestat kundër institucionit klerik të Iranit shpërthyen në shtator pas vdekjes në paraburgim të një gruaje e cila u arrestua nga ‘policia e moralit’ për dyshimin se mbante hixhabin ose shaminë e saj “në mënyrë të pahijshme”.
Të paktën 516 protestues janë vrarë deri më tani, duke përfshirë 70 fëmijë dhe 19,262 të tjerë janë arrestuar, sipas Agjencisë së Lajmeve të Aktivistëve të të Drejtave të Njeriut (HRANA). Ajo ka raportuar gjithashtu vdekjen e 68 personelit të sigurisë.
Shumë nga ata që janë arrestuar pas protestave thuhet se i janë nënshtruar zhdukjes me forcë, ndalimit pa komunikim, torturës dhe keqtrajtimit tjetër.
Top Channel
