Zbardhet dinamika e vrasjes së 31-vjeçarit nga Kukësi, dyshohet se e qëlloi pronari i lokalit në Prizren
03/01/2023 08:47
E enjtja me mot të paqëndrueshëm! Shi dhe vranësira gjatë gjithë ditës, sa do arrijnë temperaturat 25/04 07:01
Është zbardhur ngjarja e rëndë e ndodhur një natë më parë në Prizren, ku pas një konflikti në një lokal mbeti i vdekur një 31-vjeçar nga Kukësi.
Rrugës për në spital ka ndërruar jetë Visart Cengu me origjinë nga Kukësi, ndërsa ka mbetur i plagosur Rufgen Shehu, ky i fundit jashtë rrezikut për jetën.
Gazetarja Dorjana Bezat raporton se konflikti nisi për motive të dobëta në një lokal, ku tre të rinjtë nga Kukësi janë konfliktuar me një shqiptar të Kosovës me grushte dhe sende te forta. Pasi janë konfliktuar, ata janë nisur drejt Kukësit me një mjet që drejtohej nga Arben Basha.
Policia dyshon se drejt tyre ka qëlluar pronari i lokalit të natës teksa ata po largoheshin me automjet në drejtim të Kukësit.
Mësohet se tre të rinjtë nga Kukësi nuk kanë patur armë me vete dhe nuk ka patur përplasje me armë.
Dy të rinjtë nga Kukësi akuzojnë Dibran Hoxhajn si autor të ngjarjes së rëndë.
Ndërkohë, grupi hetimor vijon veprimet procedurale për llogari të Policisë së Kosovës, për zbardhjen e plotë të rrethanave të ngjarjes.
Top Channel
