Thellohet skandali i P Diddy! Dëshmia shokuese: Ka abuzuar me Justin Bieber 17/11 22:47
Legjenda e futbollit iranian, Ali Daei tha se një fluturim ndërkombëtar është ndryshuar për të penguar gruan dhe vajzën e tij që të largohen nga vendi.
53-vjeçari, i cili ka shprehur mbështetje për protestat antiqeveritare, tha se familja e tij ishte përpjekur të fluturonte nga Teherani në Dubai për t’u bashkuar me të për pushime të hënën.
Agjencia shtetërore e lajmeve iraniane Irna tha se fluturimi i tyre ishte ulur në ishullin Kish, ndërsa nuk u dha arsye pse.
Në një postim në mediat sociale në shtator, ai i kërkoi qeverisë të zgjidhë problemet e popullit iranian në vend që të përdorë represion, dhunë dhe arrestime.
Protestat e fundit u shkaktuan nga vdekja në paraburgim e kurdit iranian Mahsa Amini, 22 vjeç, në shtator. Ajo ishte mbajtur pasi dyshohej se kishte mbajtur shaminë e saj në mënyrë të pahijshme.
Më shumë se 500 protestues, duke përfshirë 69 fëmijë, janë vrarë, ndërsa mijëra të tjerë janë arrestuar, thonë aktivistët e të drejtave të njeriut. Dhjetra personel iranian të sigurisë raportohet se janë vrarë gjithashtu.
Ali Daei, 53 vjeç, është një nga figurat më të famshme sportive të Iranit. Ish-kapiten i kombëtares së futbollit, ai ka shënuar 109 gola në nivel ndërkombëtar në vitet 1990 dhe fillim të viteve 2000.
Top Channel
