Zëvendës-shefi i Shtatmadhorisë ruse arrestohet nën akuzat për marrje ryshfeti 23/05 20:25
10 milionë njerëz, ose rreth një e katërta e popullsisë së Ukrainës, mund të vuajnë nga çrregullime mendore që lidhen me konfliktin në atë vend, ka deklaruar përfaqësuesi i Organizatës Botërore të Shëndetësisë në Ukrainë, Jarno Habicht.
“OBSH vlerëson se deri në 10 milionë njerëz janë të rrezikuar nga një formë e çrregullimit mendor, duke filluar nga ankthi dhe stresi deri te kushtet më të rënda”, tha Habicht në një konferencë shtypi në Gjenevë.
Kushtet më të rënda përfshijnë çrregullimin e stresit post-traumatik (PTSD) të shkaktuar nga ngjarje shqetësuese.
Habicht tha se numri i sëmundjeve të frymëmarrjes do të rritet me motin e ftohtë dhe ngrohjen e pamjaftueshme, si dhe aksidentet e trafikut të shkaktuara nga rrugët e pandriçuara për shkak të ndërprerjeve të energjisë elektrike.
“Sistemi shëndetësor po funksionon. Por meqenëse kanë kaluar 10 muaj, është një test i madh stresi. Ne vazhdimisht shohim sfida të reja”, tha ai.
Top Channel
