Kompania amerikane e çelikut mund t’i shitet një firme japoneze, ja sa parashikohen fitimet 17/11 18:46
Numri i gazetarëve të burgosur në botë ka arritur në një rekord të ri në vitin 2022: në 533, gati dyzet më shumë se vitin e kaluar (488), sipas raportit vjetor të organizatës gazetaret pa kufij të publikuar të mërkurën.
Numri i gazetarëve të vrarë (57) është gjithashtu në rritje, veçanërisht për shkak të luftës në Ukrainë, në 2021 ishin (48) gazetarë të vrarë dhe në 2020 , 50.
Më shumë se gjysma e gazetarëve të burgosur në botë deri më 1 dhjetor janë në 5 vende: Kinë (110), Burma (62), Iran (47), Vietnam (39) dhe Bjellorusi (31).
Republika Islamike në veçanti ka burgosur një numër profesionistësh të medias “ të paprecedentë në 20 vjet’ sidomos pas protestave në shtator ., thuhet në raport.
“ Regjimet diktatoriale dhe autoritare po përshpejtojnë mbushjen e burgjeve të tyre duke burgosur gazetarë ”, denoncoi Christophe Deloire, sekretar i përgjithshëm i organizatës mbrojtjen e lirisë së shtypit.
Brenda këtij vlerësimi global global, organizata vë në dukje një numër të paprecedentë të grave gazetare të burgosura: ato janë 78 (krahasuar me 60 vitin e kaluar).
“Gratë gazetare tani përbëjnë gati 15% të të burgosurve, nga më pak se 7% pesë vjet më parë ”, sipas organizatës gazetarë pa kufij.
Top Channel
