I moshuari i braktisur kthehet në makth për komunitetin, bën nevojat personale kudo
09/12/2022 20:40
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Banorë të lagjes 13 në Plazh Durrës i janë drejtuar emisionit Fiks Fare, pasi komshiu i tyre Pëellum Hyseni prej shumë vitesh jeton i vetëm dhe nuk respekton rregullat bazike të komunitetit.
Sipas tyre ai i bën nevojat personale në çdo kat, ngjyen muret dhe prek ashensorin gjë që për ta është kthyer në një shqetësim të madh. Ata tregojnë për Fiksin se i janë drejtuar disa herë policisë, por kjo e fundit nuk ka ndërhyrë.
Madje vetë banorët i vënë në dispozicion Fiksit edhe filmimet e kamerave të pallatit ku shihet z. Pëllumb të bëjë pikërisht ato që banorët deklaruan.
“Ne kemi mall të dalim se kudo do të gjejmë jashtëshqitje , si në sheshpushim, shkallë apo ashensorë, kemi mall të nxjerrim fëmijët. Kështu nuk jetohet” , shprehen banorët.
Banorët kërkojnë ndihën e Fiksit që të bëhet vlerësimi për gjendjen shëndetësore të zotërisë, pasi ai mund të jetë dhe burim i një incidenti fatal për komunitetin.
Pëllumbi jeton i vetëm prej më shumë se 10 vitesh dhe afër ka vëllai dhe kunatën, e cila thotë se e pastron e kujdeset për të. Por nga sa u pa në ballafaqimin e banorëve dhe saj, kjo gjë nuk ndodhte shpesh pasi siç shprehet vetë ajo ” Nuk më lë , dua ta pastroj dhe nuk më lë”. Ajo tregon për gazetarët se Pëllumbi ka pësuar tre herë trompozë nga mezi dhe poshtë dhe çdo gjë e bën në mënyrë të pakontrolluar, ku ta kapi. Edhe vetë z. Pëllumb me lot në sy tregon se jeton vetëm dhe kujdeset vetë për veten.
Gruaja e tij ka ndërruar jetë dhe djali i vetëm jeton jashtë vendit. Merr një kemp si invalidë pune dhe me këto të ardhura jeton. Ai ndjehet i indijuar që banorët e pallatit janë ankuar për të, ” Unë nuk jam as hajdut as kriminel” shprehet ai.
Por banorët e shohin si person me rrezikshmëri në komunitet, pasi shpesh herë hedh edhe gjëra nga ballkoni. Apo fakti që ai gatuan vetë “mund të na djegë të gjithëve si pallat, ku i dihet” pohon njëra prej banoreve.
Fiksi iu drejtua Shërbimit Social Durrës, ku Meme Xhaferri Drejtore e Drejtorisë së Shërbimeve sociale në Bashkia Durres, falënderoi Fiksin për rastin e paraqitur. Menjëherë u ngrit një grup pune që evidentoi rastin e Pëllumbit që do inspektojë gjendjen e tij dhe mënyrën se si jeton.
Ky grup pune pasi të mbarojë monitorimin do të vendosi nëse Pëllumbi ka nevojë për trajtim apo shërbim më të specializuar siç është edhe akomodimi në Azil.
Top Channel
