“Shkatërron” Korenë e Jugut, Brazili për herë të 8 radhazi në çerekfinale të Kupës së Botës

Ekipi i trajnerit Tite dominoi të gjithë fraksionin e parë, duke gjetur rrugën drejt rrjetës që në minutën e 7’ me Vinicius Junior. Në minutën e 13’ Neymar realizoi nga pika e bardhë, pas Richarlison fitoi penallti, ndërsa në minutën e 29’ rrugën drejt rrjetës e gjeti ky i fundit.

Në minutën e 36’ Paqueta shënoi pas një asisti të dhuruar nga Vinicius Junior dhe vulosi rezultatin e pjesës së parë.

Në fraksionin e dytë u duk sikur Brazili “ndryshoi fytyrë”, pasi Koreano Jugorët filluan të sulmonin gjithmonë e më shumë në portën e Alisson, me Paik Seung-Ho që gjeti rrugën drejt rrjetës në minutën e 76.

Kështu Brazili preu biletën për në çerekfinale për herë të tetë radhazi, dhe këtë herë përballë do të ketë Kroacinë,me të cilën do të “diskutojnë” vendin e gjysmëfinales.

Brazil-Koreja e Jugut (4-1)

Raundi i 1/8 të Kupës së Botës 

76’-Koreja e Jugut gjen rrugën drejt rrjetës,  Paik Seung-Ho realizon një perlë të vërtetë.

47′-Rasti i parë për Korenë e Jugut, Son tenton të shënojë, por nuk ia del të gjejë kuadratin.

36′-Goool! Pas asistit të Vinicus, Paqueta gjen rrugën drejt rrjetës.

29′-Goool! Brazili thellon avantazhin, Richarlison i dhuron golin e tretë ekipit të tij.

13′-Richarlison fiton penallti pas një ndërhyrje të gabuar nga mbrojtësit e Koresë së Jugut. Ekzekutimin nga pika e bardhë e penalltisë e merr përsipër Neymar, i cili e dërgon lehtë topin në rrjetë.

07′-Gool! Brazili merr avantazhin, pas një rrëmuje në zonë, Vinicius e dërgon topin në rrjetë me mjaft qetësi.

Formacionet zyrtare:

Top Channel