Irani pretendon për penallti, arbitri spanjoll vijon lojën

Trajnerët Gregg Berhalter dhe Carlos Queiroz kanë zgjedhur titullarët e betejës që do zhvillohet në “Al Thumama Stadium”, Doha. Berhalter ka bërë dy ndryshime në formacion krahasuar me sfidën ndaj Anglisë, që përfundoi në barazim 1-1.

Sulmuesi i Norwich, Joshua Sergent është preferuar ndaj Haji Wright në qendër të sulmit, ndërkohë që Cameron Carter-Vickers ka fituar balotazhin me Walker Zimmerman në qendër të mbrojtjes së SHBA.

Irani vjen me moral të lartë pas triumfit ndaj Uellsit dhe tekniku portugez ka ndryshuar vetëm titullarin e portës. Queiroz ka zgjedhur t’i besojë nga minuta e parë portierit Alireza Beiranvand në vend të Hossein Hosseini. Ndeshja fillin në orën 20:00.

Kupa e Botës-Katar 2022-Grupi B

IRAN-SHBA 0-1 (Pulisic 38′)

Kronika e ndeshjes:

82′ Lojtarët e Iranit pretendojnë për penallti, arbitri spanjoll vijon lojën.

71′ Irani në kërkim të golit të barazimit. Saeid Ezatolahi tenton trekëndëshin e portës amerikane, topi mbi tra.

65′ Aksion i bukur i Iranit, Saman Ghoddos tremb SHBA me kthesën e tij! topi ngjitur me shtyllë, arbitri vërshëllen për faull të Mehdi Taremit në sulm.

45+7′ Sprint fantastik i Timothy Weah, sulmuesi dërgon topin në rrjetë me një goditje të bukur me të jashtmen, anulohet goli i SHBA për pozicion të parregullt!

45′ Dalje e shpejtë e SHBA, Weah gabon në fund, largon rrezikun mbrojtja iraniane.

38′ Gooooooool! SHBA në avantazh. Pulisic finalizon një aksion të bukur të skuadrës së tij. Asist i Dest, gol i lojtarit të Chelsea, i cili dëmtohet.

33′ Sërish i rrezikshëm Weah, gjuajtja e sulmuesit të SHBA përfundon mbi tra.

28′ Mundësi shumë e mirë për Timothy Weah, por sulmuesi i Lille gjuan lehtë me kokë.

11′ SHBA rrezikon me Christian Pulisic, lojtari i Chelsea gjuan me kokë, pret portieri iranian.

Top Channel