Kënga e saj është “himni” i festës, por çfarë e bëri Mariah Carey të dashurohej me Krishtlindjet

Kaq ndikuese është bërë ajo këngë saqë është e para dhe e vetmja këngë e Krishtlindjeve që është certifikuar dhe 25 vjet më vonë, në vitin 2019, arriti për herë të parë në vendin e parë në Hot 100.

Por pse Carey është identifikuar kaq shumë me sezonin e festave? Cila është arsyeja që ajo i do kaq shumë Krishtlindjet? Ajo e rrëfen vetë se ka pasur një fëmijëri të vështirë.

“Kur rritesh me një jetë të rrëmujshme dhe më pas je në gjendje të kesh këtë transformim ku mund ta bësh jetën tënde atë që dëshiron të jetë, ky është gëzim për mua. Kjo është arsyeja pse unë dua që fëmijët e mi të kenë gjithçka që mund të kenë. Unë dua që ata të jenë në gjendje të kuptojnë se mund të jenë gjithçka që duan të jenë”- tha artistja tha për revistën W.

Ajo shtoi se jo gjithmonë e ka ndjerë lumturinë si fëmijë, prandaj tani është shpesh shumë festive ose, siç e ka quajtur veten, mbretëresha e Krishtlindjeve.

“Njerëzit mendojnë se kam pasur këtë jetë të stilit të princeshës apo çfarëdo tjetër, një lloj ekzistence përrallore ku sapo u shfaqa”– shtoi ajo.

Në kujtimet e saj të vitit 2020, “The Meaning of Mariah Carey”, Mariah foli për edukimin e saj të dhunshëm dhe shpërthimet e zemërimit të vëllait të saj më të madh, Morgan, i cili do ta lëndonte nënën e tyre në një shkallë të tillë sa duhej të thirrej policia.

“Duke mbytur lotët, bëra çmos për t’i thënë me qetësi: ‘Vëllai im e lëndoi vërtet mamanë time dhe unë jam vetëm në shtëpi. Ju lutemi ejani dhe ndihmoni. Një nga policët, duke më parë mua, por duke folur me një polic tjetër pranë tij, tha: “Nëse kjo vajzë kalon, do të jetë një mrekulli”. Dhe atë natë, u bëra më pak vajzë dhe më shumë një mrekulli”– tha Mariah.

Ajo gjithashtu pësoi abuzim nga motra e saj më e madhe, Alison, e cila e drogoi me Valium kur ajo ishte 12 vjeç.

Top Channel