Avioni përplaset me disa kamionë teksa zbriste në pistë, tre të plagosur 17/11 22:57
Kremlini deklaroi se Kievi mun t’i japë fund vuajtjeve të luftës vetëm nëse plotëson kërkesat e Rusisë për të zgjidhur konfliktin.
Zëdhënësi Dmitry Peskov u pyet se si mund të pajtohen vuajtjet e civilëve të Ukrainës me vërejtjet e Vladimir Putin se ai nuk dëshiron të shkatërrojë Ukrainën apo popullin e saj.
“Udhëheqja e Ukrainës ka çdo mundësi për ta rikthyer situatën në normalitet, ka çdo mundësi për të zgjidhur situatën në mënyrë të tillë që të përmbushë kërkesat e palës ruse dhe, në përputhje me rrethanat, t’i japë fund të gjitha vuajtjeve të mundshme në mesin e popullatës”, u përgjigj ai.
Në muajin mars, Moska i lëshoi Ukrainës listën e mëposhtme të kërkesave për të ndaluar pushtimin:
-Se Ukraina pushon aksionin ushtarak;
-Se Ukraina ndryshon kushtetutën e saj në mënyrë që të mos hyjë në asnjë bllok, si NATO ose BE;
-Se Ukraina e njeh Krimenë si territor rus dhe Luhansk dhe Donetsk si shtete të pavarura.
Sky News shkruan se Ukraina ka shumë pak gjasa t’i përmbushë këto kërkesa, ndërsa aleatët perëndimorë kanë deklaruar vazhdimisht se Kievi nuk duhet të përkulet para Rusisë për t’i dhënë fund luftës.
Top Channel
