Berisha viziton Gjekmarkajn në Spitalin e Traumës, deputeti i PD: Më shtynë në kraharor dhe mbeta pa frymë 23/12 20:24
Ministrja e Infrastrukturës dhe Energjisë, Belinda Balluku thotë se fasha prej 800 kw e hequr nga qeveria ka ardhur pas analizimit të situatës dhe uljes së konsumit, dhe jo nga presioni i opozitës.
Nga Kuvendi, Balluku tha se heqja e fashës erdhi pas normalizimit të situatës së motit, por edhe pas sensibilizimit të qytetarëve që kanë nisur të konsumojnë më pak energji.
Teksa i doli në mbrojtje Entit Rregullator të Energjisës, zv.kryeministjra tha se qeveria e aplikoi mburojën për qytetarët, pavarësisht kontestimeve nga krahu opozitar.
Edhe për muajin nëntor, Balluku tha se shpreson që të rritet niveli i kaskadës së Drinit dhe të kontrollohet konsumi i energjisë elektrike që të mos aplikohet fasha.
“Nuk kemi pasur presion, nuk vihemi në presion. Kemi vlerësuar situatën dhe konsumin. Moti është më i stabilizuar, por edhe për faktin se qytetarët kanë filluar të sensibilizohen. Konsumi është ulur. Përmirësimi i kushteve hidrike të kaskadës, ulja e konsumit na bëri që të rishikojmë aplikimin e fashës. Ju i hidheni ERE-s se s’keni ça ti bëni gomarit dhe i hidheni samarit. ERE keni një javë që i bëni copë pa asnjë të drejtë. Detyrimisht, ERE e ka bërë punën siç duhet. Nëse qeveria vendos ta aplikojë mburojën, do dali Ere të na thotë jo se do mërzitet opozita? Shpresojmë që gjatë nëntorit të rriten nivelit e kaskadën Drinit, konsum, të kontrollit, na vjen keq që ju prishëm planet”- tha Balluku.
Një ditë para se të niste aplikimi, qeveria mori vendimin që të mos aplikohej çmim i rritur prej 1 tetorit, për të gjitha familjet që do të harxhonin mbi 800 kë energji elektrike.
Propozimi për ndryshimin e çmimit të energjisë elektrike për ata që do të harxhojnë mbi 800 kw, paçka se qeveria thoshte se prekte mbi 70.000 familje, nisi të prodhonte shqetësim tek qytetarët.
Top Channel
