Pas shpalljes Non Grata nga SHBA dhe Britania e Madhe, kreu grupit parlamentar të PS, Taulant Balla tregoi për një iniciativë të ngjashme, që pritet të vijë edhe nga Bashkimi Europian.
“Ka një iniciativë të depozituar në Parlamentin Evropian ku kërkohet që personat të cilët janë shpallur non-grata nga SHBA-ja apo të përfshirë në instrumenta të tjerë që SHBA-ja po implementon për të identifikuar këdo që punon në dëm të demokracisë, natyrshëm një gjë e tillë do të ndodhë edhe në BE. Sipas vlerësimit tim një gjë e tillë nuk do të vonojë e do të ndodhë shumë shpejt. Këta persona duhet të kenë të njëjtën qasje nga Parlamenti Evropian pastaj edhe nga vendet e BE-së. Është intuitive që një gjë e tillë të ndodhë”, tha Taulant Balla.
Taulant Balla theksoi se kur bëhet fjalë për çështje të karakterit të luftës kundër korrupsionit, minimit të demokracisë, SHBA-ja dhe BE-ja koordinohen mes tyre.
Top Channel
