Komisinerja e BE për Zgjerimin, Marta Kos ka theksoi dy kushtet kryesore që shtetet kandidate duhet të plotësojnë për tu bërë pjesë e Unionit.
Në një videomesazh në llogarinë e saj në X, Kos theksoi se dy kushtet janë: përparimin e vendeve kandidate në reformat e kërkuara dhe përafrimin e tyre strategjik me Bashkimin Europian.
Videomesazhi i plotë i Marta Kos:
Together with Member States, we have made more progress on enlargement in the last two years than in the past two decades.
It is now time to prepare for a larger Union.
This requires realism and pragmatism.
That is exactly what the Communication we published today brings.
A concrete assessment of the impact of enlargement on our Union.
And operational actions to guide our next steps.
— Marta Kos (@MartaKosEU) October 6, 2026
“Kohët po ndryshojnë për zgjerimin e Bashkimit Evropian. Dhe unë do t’ju tregoj se çfarë do të thotë kjo për Unionin tonë.
Gjatë viteve të fundit, kemi parë përparim rekord në procesin e zgjerimit. Disa vende kandidate mund t’i përmbyllin negociatat për anëtarësim deri në fund të kësaj dekade.
Shoh jehonën e fundit të viteve ’90, kur shumë prej vendeve që janë sot anëtare po përgatiteshin për t’u bashkuar me Bashkimin Evropian. Kjo do të thotë se duhet të fillojmë sërish të përgatitemi për një Bashkim Evropian më të madh.
Si mund ta bëjmë këtë?
Së pari, duhet të kuptojmë se cili do të jetë ndikimi i vendeve të reja anëtare. Çfarë do të thotë kjo për qytetarët e BE-së, për bizneset tona, për fermerët tanë? Pikërisht për këtë shërbejnë rishikimet e politikave.
Së dyti, duhet të sigurohemi që vendet e reja ta bëjnë Bashkimin tonë më të fortë. Kjo do të thotë të diskutojmë reformat e brendshme që nevojiten për një Bashkim më të madh.
Këtë mund ta bëjmë duke reduktuar numrin e fushave të politikave ku një vend i vetëm mund të vendosë veton kundër pjesës tjetër. Gjithashtu, mund t’i bëjmë institucionet tona më efikase, për shembull duke krijuar një sistem rotacioni për të zvogëluar numrin e Komisionerëve.
Dhe ndonjëherë, nëse nuk bien dakord të gjithë, grupe më fleksibël të shteteve anëtare mund të marrin drejtimin. Këtë e kemi bërë me Shengenin dhe me euron.
Së treti, duhet të sigurohemi që shtetet e reja anëtare të respektojnë gjithmonë vlerat tona demokratike dhe sundimin e ligjit. Ne po propozojmë mekanizma mbrojtës që do ta bëjnë më të lehtë reagimin nëse vendet e reja anëtare shkelin angazhimet e tyre.
Nëse është e nevojshme, kjo mund të nënkuptojë shkurtimin e fondeve ose pezullimin e disa të drejtave.
Dhe së katërti, duhet ta përshtatim zgjerimin me realitetet e rendit botëror të sotëm.
Përgatitja për anëtarësimin në BE kërkon kohë, por ata që duan ta dobësojnë Evropën nuk do të na e japin këtë kohë. Ata ushtrojnë presion politik, krijojnë varësi, shfrytëzojnë pasigurinë dhe përhapin lajme të rreme.
Kur vendet përballen me presion për shkak se zgjedhin Evropën, ne duhet të qëndrojmë përkrah tyre.
Pikërisht për këtë arsye duam të largohemi nga një logjikë “gjithçka ose asgjë” në procesin e zgjerimit.
Këtë mund ta bëjmë duke integruar vendet që përmbushin reformat në pjesë të Bashkimit tonë edhe përpara anëtarësimit të tyre të plotë.
Mund të zgjerojmë liritë e tregut tonë të përbashkët dhe të shembim barrierat që ndajnë shtetet aktuale anëtare nga vendet që synojnë të bëhen pjesë e Bashkimit.
Kjo është e dobishme për bizneset në të dyja anët.
Sepse zgjedhjet që vendet bëjnë sot për sigurinë, energjinë, lëndët e para kritike apo inteligjencën artificiale do të përcaktojnë Evropën për dekadat e ardhshme.
Prandaj, le t’i bëjmë këto zgjedhje së bashku.
Këto janë ide për të nisur diskutimin se si mund ta përgatisim Bashkimin tonë që sot për Evropën më të fortë që duam të jemi nesër”, tha Marta Kos.
Top Channel
