Afganistani nuk gjen qetësi/ Sërish lëkundje tërmeti, deri më tani tetë të vdekur

05/09/2022 11:42

Të paktën tetë persona kanë humbur jetën, pasi një tërmet goditi gjatë natës verilindjen e Afganistanit.

Zëdhënësi i provincës Kunar, Mawlavi Najibullah Hanif njoftoi se numri i viktimave mund të rritet.

Tërmeti prej 5.3 të shkallës Rihterit goditi qytetin Xhalalabad, që gjendet në lindje të Afganistanit.

“Tërmeti i së dielës ka shkaktuar viktima në njerëz dhe dëme financiare”, u shpreh Hanif.

Në qershor, një tërmet në Afganistan la të vdekur mbi 1.000 persona dhe shkatërroi disa vendbanime.

Vetëm në pak kohë numri i viktimave po rëndohej, duke u kthyer në një tragjedi.

Mijëra familje mbetën pa shtëpi për shkak të shkatërrimeve nga tërmeti i fortë.

Top Channel