FOTO/ “Nis zyrtarisht sezoni i jahteve në Durrës”, Rama: ‘ArtExplorer’ do të rikthehet si një ekspozitë lëvizëse me perlat e Muzeut të Luvrit
11/04 19:00
Një stjuardesë ka zbuluar pse pasagjerët duhet të shmangin vendosjen e sendeve në xhepat e ulëseve në aeroplan, veçanërisht ushqimin dhe pijet.
Kur ulemi në një fluturim, duket logjike t’i ruajmë gjërat në xhepin në pjesën e pasme të ulëseve përballë, kështu që nuk duhet të gërmojmë në çantat tona për t’i nxjerrë jashtë gjatë fluturimit.
Por ka një arsye shumë josanitare pse duhet të shmangim pikërisht këtë gjë sa herë që hipim në aeroplan. Stjuardesa Beth Windsor ka punuar në avionë për më shumë se një dekadë dhe di disa gjëra rreth fluturimit. Në një artikull për “Insider”, ajo ka shpjeguar se xhepat e ulëseve janë shpesh një nga vendet më të pista në avion, sepse shumë rrallë pastrohen ndërmjet fluturimeve. Ajo tregoi se ka parë disa pasagjerë duke vendosur gjëra të tmerrshme në to. Sipas Top Albania Radio, Beth tha:
“Aeroplanët pastrohen sa herë që zbarkojnë diku, por shpesh nuk ka kohë të mjaftueshme për të dezinfektuar plotësisht pjesën e brendshme të çdo xhepi ndenjëse midis fluturimeve. Në shumë prej avionëve në të cilët kam punuar, ajo ndarje zakonisht nuk lahej derisa avioni të kthehej në bazë për një pastrim të thellë. Duhet të kuptohet që pasagjerët nuk duhet të përdorin xhepin e ulëseve për të ruajtur gjëra, unë kam hasur në një numër të madh pelenash dhe të brendshme të ndotura në ndarje. Prandaj, mendoni dy herë para se të ruani ndonjë ushqim atje”.
Duhet të keni parë të paktën një herë një vend të zbrazët në avion, për shembull, pranë dritares, por stjuardesa nuk ju ka lejuar të ndryshoni vendin. Përkatësisht, piloti amerikan Darren Patterson zbuloi se shpërndarja e peshës së pasagjerëve është vendimtare edhe gjatë fluturimit, sepse ndikon në stabilitetin e aeroplanit.
Top Channel
