Zyrtare/ Juventusi përforcohet në krah, depoziton në ligë kontratën e 29-vjeçarit

11/08/2022 19:27

Filip Kostic është zyrtarisht futbollist i Juventusit. 29-vjeçari serb zbarkoi në Torino mëngjesin e sotëm dhe kaloi testet mjekësore në J Medical.

Drejtuesit e “Zonjës së Vjetër” tashmë kanë depozituar kontratën e tij në ligë, në bazë të së cilës anësori do të përfitojë 3.5 milionë euro në sezon deri në vitin 2025.

Negociatat me Eintracht Frankfurtin janë mbyllur për 17 milionë euro, përfshirë bonuset. Allegri e feston 55-vjetorin sot me një “dhuratë” të çmuar nga drejtuesit.

29-vjeçari pritet të aktivizohet që në ndeshjen ndaj Sassuolos, të hënën në mbrëmje, pasi Chiesa ende nuk është në gjendjen e tij më të mirë.

Top Channel