Aksident në aksin rrugor Fier-Patos/ Makina përplaset me kamionin e mbeturinave, përfundon në spital shoferi

11/08/2022 13:29

Një aksident i rëndë ka ndodhur në aksin rrugor Fier-Patos në zonën e Portëz në Fier, ku një automjet tip “BMW” pas disa devijimeve në rrugë është përplasur me një kamion, që shërben për mbledhjen e mbetjeve urbane.

Fatmirësisht drejtuesi i kamionit ka frenuar në kohë, duke shmangur një përplasje edhe më të fortë, ndërsa mësohet se i ka dhënë ndihmën e parë edhe drejtuesit të “BMW”.

Ky i fundit, pasi është nxjerrë nga makina është shoqëruar për në spitalin e Fierit për të marrë ndihmë mjekësore.

Sipas bluzave të bardha, i lënduari, edhe pse ka marrë plagë, është jashtë rrezikut për jetën.

Policia ka mbërritur menjëherë në vendin e ngjarjes e po punon për shkaqet e aksidentit, ndërsa si pasojë e përplasjes në këtë aks është shkaktuar edhe trafik për disa kilometra me radhë.

Njoftimi policisë: 

Fier
Informacion paraprak

Sot, rreth orës 12:45, në Portëz, shtetasi N. Y., duke drejtuar automjetin tip kamion është përplasur me automjetin tip “Bmw” me drejtues shtetasin I. M., 27 vjeç, banues në Drizë.

Si pasojë e përplasjes është dëmtuar dhe po mer mjekim në spital shtetasi I. M.

Grupi hetimor po punon për zbardhjen e shkaqeve të aksidentit.

Top Channel