Protestë në Durrës/ Pronarët e mjeteve të ujit, kundër bllokimit të tyre
08/08/2022 12:02
U mbyt teksa peshkonte me të vëllanë/ Trupi u nxor në brigjet kroate, përcillet për në banesën e fundit Aurel Ndoni 20/04 15:48
Një ditë pas bllokimit të daljes në det të mjeteve motorike, kanë protestuar edhe pronarët e mjeteve ujore në Durrës.
Urdhri verbal për bllokimin e lundrimeve të mjeteve motorike në pikun e sezonit është kundërshtuar gjerësisht prej tyre, pasi po u shkakton dëm ekonomik, ndërsa nuk kanë një shkresë zyrtare me anë të së cilës të kërkojnë dëmshpërblim, pasi janë të licensuar për ushtrim aktiviteti dhe taksapagues të rregullt.
Protestuesit:
“I kemi me telekomandë mjetet dhe shumë të sigurta. Asnjë problem s’kemi pasur që në 2009-n. Na kanë bllokuar. Taksa, detyrime po i paguajmë çdo ditë. Nuk e di pse po ndodh kjo. Kontrolle kemi pasur pafund. Jemi në rregull po zgjidhje nuk ka. Sezoni po mbaron. Është padrejtësi e madhe. Të paktën të na japin një shkresë t’i drejtohemi gjykatës për dëmshpërblim”.
“Skafet vazhdojnë të qarkullojnë, ndërsa jet ski-të janë ato që pezullohen. Motorët e ujit nuk kanë pasur asnjëherë aksidente, sepse janë nën kontrollin e telekomandave. Mjetet që bëjnë aksidentet dhe na penalizojnë vazhdojnë të qarkullojnë”.
Subjektet u mblodhën para Drejtorisë së Kufirit dhe Migracionit në portin e Durrësit, por nuk morën një përgjigje për zgjidhjen e situatës së krijuar, sipas tyre padrejtësisht dhe që po u shkakton dëme të shumta ekonomike dhe në imazh, ndërsa edhe pak javë kanë mbetur nga sezoni turistik.
Top Channel
