E rëndë situata në Dushkarak të Selenicës, prefekti i Vlorës: Zjarri po vihet në kontroll
08/08/2022 20:30
Vijon të jetë situatë e rëndë në fshatin Dushkarak të bashkisë së Selenicës.
Deri në këto momente janë djegur me qindra pemë frutore por dhe tre banesa të këtij fshati.
Për shuarjen e flakëve janë aktivizuar zjarrfikësit e Selenicës, Himarës, Vlorës por dhe banorë të fshatrave.
Sipas prefektit të Vlorës Flamur Mamaj i cili ndodhet në terren zjarri në brendësi te fshatit po vihet në kontroll por më shqetësuese është situata në kodrat përreth fshatit Dushkarak dhe puna për shuarjen e flakëve të zjarrit po vijon.
Në ndihmë të zjarrfikëseve është dhe një helikopter.
Top Channel