Disa vatra zjarri në Shkodër, rrezikohen banesat në Bërdicë
08/08/2022 16:54
Sekuestrohen 2 pako me çeqe të falsifikuara me vlerë 1 milion dollarë, dy të arrestuar në Hanin e Hotit 26/04 10:47
Disa vatra zjarri janë aktive në Shkodër.
Në zonën e Bërdicës rrezikohen banesat, ndërsa një vatër tjetër është në rezervuarin e Velipojës e cila është zonë e mbrojtur.
Gjithashtu vijon të jetë aktive vatra e zjarrit në Prekal.
Sipas të dhënave nga Qendra Kombëtare Operacionale e Emergjencave Civile ne AKMC, gjatë 24 orëve të fundit janë raportuar 26 vatra zjarri.
Aktualisht është aktiv zjarri në fshatin Gjysulkanë të Tiranës, i cili rrezikoi edhe banesat. Vazhdon të jetë aktiv zjarri në vendin e quajtur “Bjeshka e Bregut”, fshati Ura e Shtrenjtë dhe fshati Vilëz, në Shkodër.
Po ashtu, zjarri është aktiv edhe në Malin e Tolës në fshatin Lam i Madh, bashkia Mat. Edhe në Durrës, zjarri ka rënë në në fshatin Shetaj, i cili është ende aktiv.
Në fshatin Zezë, bashkia Krujë, është punuar për izolimin dhe shuarjen e zjarrit të rënë mbrëmjen e djeshme në një sipërfaqe me shkurre dhe ferra ku janë rrezikuar dhe banesa.
Zjarri është aktiv edhe në fshatin Mal Bardhë, bashkia Kurbin, n ë fshatin Shpërdhezë, bashkia Mirditë, dhe ë fshatin Kusarth, bashkia Elbasan.
Top Channel
