Alba akuzon rëndë Meri Shehun, astrologia braktis studion pas sherrit 24/11 18:38
Druri i kuq (redwood, Sequoioideae) 130 metra i lartë që raportohet se “është zbuluar” në vitin 2006, besohet se është 600 deri në 800 vjet i vjetër dhe qëndron krenar në parkun kombëtar Redwood në Kaliforni.
Sipas raportimeve specia është aq e rrallë sa që zyrtarët e parkut ishin përpjekur të mbanin të fshehtë vendndodhjen e saj.
Por megjithë përpjekje e tyre ajo është kthyer tashmë në një atraksion të famshëm turistik, dhe ekspertët shqetësohen se vizitorët e shumë mund ta dëmtojnë atë nëse vijnë në numra të mëdhenj.
Prandaj parku ka njoftuar së fundmi se kushdo që i afrohet pemës së quajtur Hyperion (sipas gjigandit grek të dritës) përballet me gjashtë muaj burg dhe një gjobë prej $5,000.
Në një deklaratë të lëshuar nga parku javës që shkoi thuhet se vizitorët duhet të zgjedhin nëse dëshirojnë “të mbrojnë pemën apo të bëhen pjesë e shkatërrimit të saj”.
Aty thuhej: “Nuk ka rrugë që të çon te Hyperion. Pema gjendet në një zonë të mbyllur dhe kalimi i ndarjes së rrethimit të saj rezulton në gjobë $5,000 dhe 6 muaj burg.
“Hyperion gjendet jashtë shtigjeve të kalimit dhe mes bimësisë së dendur prandaj duhet të çash mes bimësisë për të arritur te ajo”.
Leonel Arguello, kreu i burimeve natyrore të parkut tha për rrjetin SFGate: “Njerëzit kanë të drejtë të vizitojnë parqet e tyre, por ne jemi të shqetësuar për ruajtjen e burimeve, prandaj nuk kemi krijuar rrugë kalimi drejt asaj peme, sepse në këtë mënyrë mund të mos jetë më pema më e lartë në botë”.
Top Channel
