Aksident në Peshkopi/ Makina hyn në ambientet e gjykatës, plagoset roja
01/08/2022 20:58
‘Krishti u ngjall’, besimtarët ortodoksë në të gjithë vendin kremtojnë Pashkën 05/05 00:26
Një makinë ka humbur kontrollin këtë mbrëmje në Peshkopi, duke u përplasur me ambjentet e jashtme të gjykatës së Dibrës.
Për pasojë, ka mbetur i plagosur shoferi i mjetit dhe punonjësi i shërbimit të sigurisë private në gjykatë.
Njoftimi i policisë:
Në qytetin e Peshkopisë, shtetasi F.S., duke drejtuar automjetin tip ‘BMW’, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka hyrë në ambientin e jashtëm të Gjykatës së Shkallës së Parë Dibër duke shkaktuar dëme materiale.
Gjithashtu ka aksidentuar jashtë rrezikut për jetën shtetasin G.D, punonjës i shërbimit të sigurisë private që ishte në shërbim pranë Gjykatës.
Drejtuesi i mjetit pas marrjes së ndihmës mjekësore do të shoqërohet në Komisariat për veprime të mëtejshme.
Grupi hetimor po punon për sqarimin e rrethanave të aksidentit.
Top Channel
