Qindra mijëra njerëz protestojnë në Argjentinë kundër shkurtimit të financave të arsimit nga Milei (fotot) 24/04 18:46
Arabia Saudite ka zbuluar dizajnet për një projekt ambicioz urban “The Line”, i shpallur si një qytet me ndërtim në shkretëtirë, i cili do të shtrihet mbi 106 milje dhe do të strehojë 9 milionë njerëz.
Qyteti i propozuar turistik do të vendoset në veriperëndim të Gjirit, pranë Detit të Kuq, sipas një njoftimi nga Princi i Kurorës së mbretërisë, Mohammed bin Salman.
Sipas propozimeve ajo do të jetë 200 metra e gjerë, i projektuar për t’u ulur 500 metra mbi nivelin e detit dhe do të shtrihet në 34 kilometra katrorë.
A mundet Arabia Saudite të riemërohet si një pikë e nxehtë turistike?
Megjithëse detajet janë të pakta, ata që qëndrojnë pas dizajnit pretendojnë se “The Line”, do të funksionojë tërësisht me energji të rinovueshme, pa rrugë, makina dhe me hekurudha.
Kritikët kanë hedhur dyshime nëse projekti është teknologjikisht i realizueshëm, ndërsa të tjerë e kanë përshkruar si një vizion i shpalosur në video promovuese.
Linja është pjesë e një plani të riemërimit saudit të krijuar nga Vizioni 2030, për të rivalizuar fqinjët e saj të Gjirit si Dubai dhe Abu Dhabi, duke i konsideruar pika të nxehta të udhëtimit dhe për të riformuar ekonominë e mbretërisë.
Synimi është që të arrihet 100 milionë vizitorë në vit, e cila do të nxisë ekonominë me miliarda dollarë.
Projekti Neom i Arabisë Saudite, do të mundësohet nga energjia e pastër dhe do të funksionojë me ndihmën e inteligjencës artificiale.
Dizajnet do të sfidojnë qytetet tradicionale, duke krijuar një model për ruajtjen e natyrës dhe rritjen e jetesës njerëzore.
CNN shkruan se ky projekt mbështetet me 500 miliardë dollarë nga qeveria saudite dhe nga Fondi i Investimeve Publike të Arabisë Saudite (PIF), një fond i pasurisë së bin Salman si edhe investitorëve vendas ose ndërkombëtarë.
Fillimisht ishte planifikuar për vitin 2025, por vonesat e kanë shtyrë datën e përfundimit të Neom me pesë vjet të tjera, ndërsa princi këmbëngul se projekti ambicioz mbetet në rrugën e duhur.
Top Channel
