Paketa e ndihmës Ukrainë-Izrael drejt votimit, Dhoma amerikane e Përfaqësuesve miratoi ndihmën prej 95 miliardë dollarësh 20/04 07:40
Gjermania ka bërë me dije se do të marrë masa urgjente për të garantuar furnizimin me energji, në rast se Rusia ndërpret më tej ose ndalon furnizimet e saj me gaz. Kjo do të përfshijë rritjen e përdorimit të qymyrit, sipas njoftimit të qeverisë.
“Për të reduktuar konsumin e gazit, duhet të përdoret më pak gaz për të prodhuar energji elektrike. Termocentralet me qymyr do të duhet të përdoren më shumë në vend të tyre. Është e hidhur, por e domosdoshme për reduktimin e konsumit të gazit.” tha ministri i ekonomisë në një deklaratë.
Berlini po propozon të vërë në dispozicion 15 miliardë euro (15.8 miliardë dollarë) për të mbushur objektet e magazinimit, një kërkesë kryesore për dimrin e ardhshëm, sipas raporteve të shtypit gjerman. Masa të tjera përfshijnë shkurtimin e përdorimit të gazit në industri dhe prodhimin e energjisë.
Ministri i Ekonomisë Robert Habeck citohet të ketë thënë se situata është serioze dhe se konsumi i gazit duhet të vazhdojë të bjerë, kështu që duhet të ruhet më shumë gaz, përndryshe gjërat do të ngushtohen në dimër.
Masa vjen pas një paralajmërimi nga gjigandi rus energjetik Gazprom javën e kaluar se do të shkurtonte ndjeshëm dërgesat në Evropë dhe gjysmën e furnizimit të tij në Gjermani .
Gazprom fajësoi punën e riparimit për shkurtimin e furnizimit me gaz përmes tubacionit Nordstream 1 në Gjermani në 40% të kapacitetit të tij të zakonshëm, por zyrtarët gjermanë besojnë se ishte një lëvizje politike për të ndëshkuar Gjermaninë për mbështetjen e saj ndaj Ukrainës.
Top Channel
