Një 39-vjeçar me iniciale E. M., banues në Tiranë është arrestuar pasi hapte llogari false në rrjete sociale me të dhënat e shtetasve të tjerë.
Pas verifikimeve të kryera nga specialistët e Krimit Kompjuterik ka rezultuar se ky shtetas ka hapur në mënyrë të vazhdueshme llogari.
Operacioni policor i koduar “Username” është finalizuar pas denoncimit që një vajzë ka bërë, pasi autori kishte hapur vazhdimisht llogari në rrjetet sociale me të dhënat dhe fotot e saj personale.
39-vjeçari nuk është i panjohur për drejtësinë, pasi ka qenë më parë i arrestuar për vjedhje me dhunë.
Materialet procedurale i kaluan Prokurorisë, për veprën penale “Falsifikimi kompjuterik”.
Top Channel
