Tre të “fortë” izolohen në 41 biss/ Viktor Ymeri dhe vëllezërit Klemend dhe Eldi Çala

Vlonjati Viktor Ymeri, nën akuzë për vrasje dhe Eldi e Klement Çala nën akuzë për grabitje me dhunë do t’u ndërpritet komunikimi me të burgosurit e tjerë, dhe pas firmës së Manjës  i nënshtrohen rregullave të forta  të superburgosjes me afat një vit.  Pavarësisht se pritet që edhe ata të reagojnë duke e kundërshtuar regjimin e ashpër përmes padive , mundësitë që ata të fitojnë janë të papërfillshme.

Dy vëllezërit nga Elbasani Klemend dhe Eldi Çala u arrestuan menjëherë pasi vendi u karantinua gjatë gjendjes së pandemisë se kovidit. Ata fshiheshin në zonën e Durrësit dhe kërkoheshin prej kohësh si të implikuar në vjedhjen brenda Rinasit të 4.6 milionë eurove, një grabitje ku u vra shtetasi Admir Murataj. Kurse Viktor Ymeri i njohur ndryshe si Viktor Bajraktaraj u arrestua dhjetorin e 2020 , jo shumë kohe pasi kishte lënë qelinë nga një i burgosur i përjetshëm qe iu konvertua burgosja në 25 vite heqje lirie e më pas u lirua me kusht.

Të tre banorët më të rinj të 41 bissit kopjuar nga modeli italian qe izoloi për herë të parë bosët e Cosa Nostrës , i shtohen listës së disa të burgosurve nën këtë regjim ku dhe drita e diellit është e limituar.

Emiliano Shullazi që shpesh ka dorëzuar padi po bën vitin e dytë në këto qeli.  Ndërkohë që veç 44 vjeçarit gjendet në 41 biss  edhe Arbjon Aliko i dënuar për ngjarjet në Lazarat,  Redjan Rraja i dyshuar në atentatin ku u plagos prokurori Arjan Ndoja dhe u vra Andi Maloku. Arbër Çekaj  i dënuari i 613 kilogramëve kokainë i cili tentoi së bashku me Fatmir Pjetrin e bandës së bababgjyshëve që të arratisej dhe Aleksandër Llanaj mbahen po ashtu të izoluar nga të tjerët, pa telefon, pa takime dhe nën survejim të pandërprerë.

Top Channel