Vëzhgim nga hapësira për stuhitë diellore, sateliti i NASA-s niset për misionin e ri 26/06 11:36
Trageti i linjës Ankona- Durrës “AF Marina” që ishte parashikuar të mbërrinte pasditen e sotme në portin e Durrësit, ka hasur vonesa dhe vështirësi në lundrim, për shkak të motit të keq, prandaj pritet të mbërrijë në orët e para të së shtunës.
Për rrjedhojë, po ky traget, nuk do të kryejë lundrimin sipas itinerarit që kishte planifikuar për mbrëmjen e sotme, por pritet të niset nesër rreth orës 11:00 drejt portit italian të Barit.
Ndërkohë do të vijojë normalisht lundrimin drejt Barit trageti “Rigel VII” me nisje të parashikuar rreth orës 23:00, ndërsa “AF Claudia” që mbërriti mëngjesin e sotëm nga Bari do të niset tani drejt Ankonës.
Autoritetet po monitorojnë në vazhdim situatën detare, ndërsa shprehen se në mbrëmje kushtet atmosferike në Gjirin e Durrësit pritet të qetësohen.
Top Channel
