BE ndjek shembullin “Meloni”? Diskutohet një marrëveshje me Libanin për të përballuar fluksin e emigrantëve 02/05 12:12
Kryeprokurori i Gjykatës Ndërkombëtare Penale (ICC) Karim Khan vizitoi qytetet ukrainase të Bucha dhe Borodyanka këtë javë.
Në këto qytete u zbuluan varreza masive dhe civilë të vrarë pas tërheqjes së forcave ruse në fillim të prillit.
“Ukraina është një skenë krimi. Ne jemi këtu sepse kemi arsye të arsyeshme për të besuar se krimet brenda juridiksionit të GJNP-së po kryhen. Ne duhet të shpojmë mjegullën e luftës për të arritur tek e vërteta”, tha Khan pas vizitës në Bucha, sipas CNN.
Ditën e djeshme Khan u takua me Prokuroren e Përgjithshme të Ukrainës Iryna Venediktova në Kiev për të bashkëpunuar në një hetim të pavarur të ICC.
“Zërat e atyre që janë prekur nga krimet e supozuara duhet të jenë në qendër të punës sonë të pavarur për të vërtetuar të vërtetën. Të mbijetuarit dhe familjet e viktimave do të jenë partnerë të plotë në përpjekjet tona kolektive për të dhënë drejtësi”, shtoi më tej Khan.
Gjykatës Ndërkombëtare Penale hapi zyrtarisht një hetim mbi situatën në Ukrainë më 2 mars.
Top Channel
