Ligjvënësit izraelitë të vijës së ashpër kritikojnë thirrjet e nënpresidentes Harris për armëpushim 26/07 22:15
4.8 milionë fëmijë janë larguar nga Ukraina që kur forcat ruse pushtuan vendin, sipas OKB-së.
Drejtori i programeve emergjente të UNICEF-it, Manuel Fontaine tha se numri i fëmijëve që kishin ikur nga vendi ishte i pabesueshëm.
“Ata janë detyruar të lënë gjithçka pas, shtëpitë e tyre, shkollat dhe anëtarët e familjeve të tyre”, tha ai në Këshillin e Sigurimit të OKB-së, sipas Sky News.
“Kam dëgjuar histori të hapave të dëshpëruar që prindërit po ndërmarrin për t’i çuar fëmijët e tyre të sigurt dhe fëmijët janë të trishtuar që nuk mund të kthehen në shkollë.”
Shifrat vijnë pasi ambasadori i Ukrainës në OKB, Sergiy Kyslytsya pretendoi se Rusia kishte marrë më shumë se 121,000 fëmijë nga Ukraina dhe thuhet se kishte hartuar një projekt-ligj për të thjeshtuar dhe përshpejtuar procedurat e birësimit për jetimët dhe madje edhe ata që kanë prindër dhe të afërm të tjerë.
Shumica e fëmijëve u larguan nga qyteti port i rrethuar jugor i Mariupol dhe u dërguan në Donetskun lindor dhe më pas në qytetin rus të Taganrog, sipas Kyslytsya.
Top Channel
