Kurthi i ri i Ukrainës, tela me gjemba inteligjentë, pajisja pret kabllot me fibra optikë që kontrollojnë dronët 04/10 19:11
Skema e ngjyrave
Madhësia e shkrimit
Holanda, Suedia dhe Gjermania kanë premtuar 2.7 milionë dollarë në Gjykatën Penale Ndërkombëtare (ICC) për të mbështetur hetimin e saj të krimeve të mundshme të luftës të kryera në Ukrainë.
Ministrat e Jashtëm të BE-së në Luksemburg u takuan nëpërmjet videokonferencës me Kryeprokurorin e I Gjykatës Penale Ndërkombëtare, Karim Khan, në një takim të thirrur nga Ministri i Punëve të Jashtme holandeze Wopke Hoekstra.
Pas takimit, Hoekstra tha: “Ngritja e Gjykatës Penale është një nga rrugët më të rëndësishme drejt drejtësisë për ukrainasit. Holanda dëshiron që të ndiqet drejtësia për viktimat e pushtimit rus”.
Hoekstra premtoi mbi 1 milion dollarë në emër të Holandës në ICC për të mbështetur hetimin e saj ndërsa Gjermania tha një një njoftim për shtyp së në lidhje me hetimin e krimeve do ta mbështesë Ukrainën me 1 milion dollarë shtesë në gjykatë.
Ministrja e Jashtme suedeze Ann Linde njoftoi në një deklaratë se Suedia do të sigurojë gjithashtu një gjysmë milioni euro shtesë, duke thënë se Gjykata ka nevojë për mbështetjen e plotë të komunitetit ndërkombëtar.
Javën e kaluar, Bashkimi Evropian ndau 8 milionë dollarë të dedikuara për të mbështetur dhe trajnuar prokurorët ukrainas në hetimin e krimeve të mundshme të luftës.
ICC hapi zyrtarisht një hetim mbi situatën në Ukrainë më 2 mars.
Top Channel
