“Ndeshja u ndërpre për shkak të thirrjeve të vazhdueshme raciste dhe anti-Kosovë nga tifozët rumunë”, Federata deklaratë publike 16/11 11:24
Italia fitoi 2-3 miqësoren ndaj Turqisë që u luajt në Konya. Bryan Cristante dhe Giacomo Raspadori (2x) shënuan golat e fitores për kombëtaren e kaltër, që ka rinisur nga zero pas humbjes ndaj Maqedonisë së Veriut dhe mungesës së dytë radhazi në Botëror.
Trajneri i kampionëve të Europës, Roberto Mancini vlerësoi paraqitjen e lojtarëve të rinj dhe theksoi se keqardhja do të vazhdojë të ekzistojë tek ai deri në muajin dhjetor, kur përfundon edhe Katar 2022.
“Ishte një ndeshje e kotë dhe pa ndonjë rëndësi të madhe, por gjërat duhet t’i bëjmë mirë edhe kur ndodhemi në situata negative. Djemtë zhvilluan një ndeshje të mirë, më bëhet qejfi për ta.
Më pëlqeu reagimi pas golit që pësuam. Tifozët turq krijuan një atmosferë të bukur, por djemtë e mi nuk e humbën qetësinë. Pas minutës së 15’ filluam ta kontrollonim ne lojën.
Shumë lojtarë luanin për herë të parë së bashku, nuk ishte e thjeshtë. Janë të gjithë të rinj, kemi nevojë për kohë. Nuk ishte një fitore e lehtë, edhe pse ndeshja nuk kishte farë rëndësie.
Pengje pas kësaj performance? Për fat të keq do të zgjasin deri në dhjetor”, deklaroi Mancini, i cili beson fort te rikthimi i skuadrës së tij te rezultatet pozitive dhe sukseset.
Top Channel
