Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Forcat ruse kanë karburant, ushqim dhe municione për luftën edhe për tre ditë, kështu pretendojnë komandantët ushtarakë ukrainas.
Pretendimet e tyre duket se konfirmohen edhe nga zyrtarët perëndimorë. Një zyrtar i Pentagonit shtoi se kishte probleme të vazhdueshme midis trupave ruse, që përfshin mungesë ushqimi dhe karburanti, si dhe probleme nga moti i acartë.
Raporti nga komanda e përgjithshme e forcave të armatosura ukrainase thotë se përparimi rus kishte ngecur .
Në ditën e 27 të pushtimit forcat ukrainase rimorën qytetin e Makariv, ndërsa luftimet e ashpra vazhduan dhe në qytete të tjera.
Presidenti i Ukrainës ka thënë se ata do të luftojnë deri në fund, dhe nuk do t’i dorëzojnë qytetet e tyre.
Deri më tani qyteti i Mariupolit është nder më të goditurit nga lufta. Më shumë se 200,000 njerëz janë të bllokuar aty, ndërsa situata është përshkruar si një ferr i vërtetë pasi mungojnë ushqimi dhe uji.
Top Channel
