Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Parlamenti sllovak dhe presidenti miratuan një marrëveshje për bashkëpunimin ushtarak me Shtetet e Bashkuara.
Marrëveshja për bashkëpunimin në mbrojtje u miratua me 79 vota kundër 60 vota në parlamentin 150-vendësh, në një votë të ndarë midis anëtarëve të katër partive të koalicionit qeverisës dhe opozitës.
Sipas marrëveshjes, ushtria amerikane mund të përdorë dy baza ajrore sllovake, Malacki dhe Sliak, për 10 vjet, ndërsa Sllovakia, një anëtare e NATO-s si dhe Shtetet e Bashkuara, do të marrë 100 milionë dollarë nga Shtetet e Bashkuara për të modernizuar bazat. Marrëveshja u nënshkrua më 3 shkurt në Uashington nga sekretari amerikan i Shtetit Antony Blinken dhe ministri sllovak i Mbrojtjes Jaroslav Nagy. Ajo sot u ratifikua nga presidentja Zuzana Çaputova.
Parlamenti votoi në një kohë kur ka frikë se Rusia mund të pushtojë Ukrainën. Rusia ka grumbulluar më shumë se 100.000 trupa pranë kufirit të saj me Ukrainën, por thekson se nuk ka ndërmend të sulmojë atë vend. Sllovakia kufizohet me Ukrainën.
Marrëveshja u mbështet nga qeveria e kryeministrit Eduard Heger, i cili tha se do të forconte ndjeshëm sigurinë sllovake. Shtetet e Bashkuara kanë marrëveshje të tilla me 23 anëtarë të tjerë të NATO-s, duke përfshirë Poloninë dhe Hungarinë, dy vende të tjera në kufi me Ukrainën në krahun lindor të Aleancës.
Çdo vendosje specifike e forcave amerikane kërkon miratimin e qeverisë dhe parlamentit sllovak.
Top Channel
