Trump kërkon të blejë Groenlandën, qeveria daneze akordon 1.5 bilion dollarë investime: Koha e njoftimit është thjesht rastësi 24/12 23:26
Mijëra njerëz në Mali protestuan sot në Sheshin e Pavarësisë në kryeqytetin Bamako kundër sanksioneve të bllokut afrikan për shtyrjen e zgjedhjeve.
Mijëra njerëz me ngjyrat e flamurit kombëtar, të kuq, të verdhë e të gjelbër, protestonin dhe këndonin në mitingun e organizuar nga qeveria ushtarake, sipas rrjetit AFP.
Një turmë e madhe ishte mbledhur dhe në qytetin verior Timbuktu, si dhe ato jugore Kadiolo and Buguni.
Liderët e Komunitetit të Vendeve të Afrikës Perëndimore vendosën të sanksionojnë Malin javës që shkoi duke mbyllur kufijtë.
Vendimi u mbështet më vonë nga SHBA, BE si dhe Franca, ish-fuqia koloniale e vendit.
Zhvillimi erdhi pasi junta ushtarake në pushtet propozoi të udhëheqë për pesë vjet para organizimit të zgjedhjeve.
Fuqitë ndërkombëtare kishin kërkuar organizimin e votës popullore në shkurt.
Autoritetet në pushtet i quanin sanksionet “ekstreme” dhe “inhumane” prandaj bënë thirrje për demonstrata.
Udhëheqësi aktual, kolonel Assimi Goita, i cili erdhi në pushtet me grushin e shtetit në gusht 2020, nxiti banorët e Malit të “mbrojnë atdheun”.
Top Channel
